كيف تعرف ا ؟؟؟ (كيفاه تقدر تعرف بلي راك جزايري 100/100)

.السلااااااااام عليكم ورحمة الله وبركاته

اعضاء ومشرفين المنتدى الكريم ان شاء الله تكونوا كامل لاباااااااااس

راني جبتلكم موضوع من خلالو تقدروا تعرفو الدزيري ولا الجزائري من بين ملياااار شخص نخليكم مع الموضوع




*كي يتلموا كل افراد العائلة كل يوم الجمعة وعلى طبق الكسكس فإعلم بللي راك جزائري




*كي تتفقد قارورة الغاز بشعلة نار او شعلة عود كبريت ومتجيكش بللي فيها خطورة عليك فإعلم أنك جزائري




*كي يعتبرونك قاصر على ترك بيت الوالدين ونتا عندك 30 سنة فإعلم بللي راك جزائري وإبن جزائري




*اذا كان غدوا إن شاء الله هو اليوم الللي تخطط باش تدير فيه كلش فإعلم أنك جزائري




*اذا قلت كلمة ان شاء الله 60 الف مرة في جملة واحدة فاعلم بللي راك جزائري




*كي تحبس سيارتك ثلاثة أمتار قبل الإشارة الحمراء باش تكون أول من يقلع عند ظهور الإشارة الخضراء بينما تكون آخر من ينطلق لأنك ببساطة متولهتش فإعلم أنك جزائري




*اذا كنت غير مقتنع تماما بآخر الإحصائيات لأنك تظن أن ثلاثين مليون هم برك من يملؤون المقاهي فإعلم بللي راك جزائري




*كي تخرج ملابس الشتاء علا جال هبطت درجة الحرارة تحت الدرجة 25 فأنت فعلا جزائري




*كي تقول (شكون) حين يطرق أحد الباب كي شغل متقدرش تصبر علا الخطوتين التي تفصلك عن الباب لتعرف من الطارق
بصح لوكان كنت انت الطارق فترد وببساطة بـ أنا دون بلا متذكر اسمك طبعا كأنها كلمة السر التي تخول أيا كان بالدخول حينها تأكد بللي راك صح جزائري

*عندما يكون طعامك ومسكنك ودراستك ونقلك مجاني ومن فوق يقدم لك منحة مالية كل ثلاثة اشهر فاعلم انك والله لست مجرد طالب جزائري



*عندما يستلزم اقناعك بالنهوض والرقص في حفلة عائلية اكثر من اربعة اشخاص يحلفونك بكل من هو غال عندك بينما بمجرد ان تنهض واحد ميقدر يحبسك عن الرقص فأنت حقا جزائري




*كي تعيط بعد منتصف الليل بصاحبك بلا متحشم تسقسيه كي شغل متعرفش : هل أيقضتك؟؟ فأنت 100 بال100 جزائري




*كي تزيد في صوتك في إتصال مع صديق خارج حدود الوطن إقتناعا منك أنه قد لا يسمعك علا خاطر بعيد فأنت دون شك جزائري




*كي تكون كلمة الله غالب هي الجواب الذي تعلل به كل أخطائك فأنت والله جزائري




*كي يكون ردك لاباس الحمد لله حتى وان كنت في اسوأ حالاتك اذا سألك احدهم كيف حالك فاعلم انك جزائري




*عندما لا يعلم حتى أقرب المقربين إليك كم تتقاضى شهريا فأنت جزائري




*كي تحل هداياك بتأن و بطريقة تسمح لك باعادة استعمال ورق الهدايا لاحقا فاعلم انك جزائري




*كي تعيط علا سيدة ليست من اقاربك بقولك "خالتي" او "يما" اي امي فاعلم انك جزائري



*كي تاكل تخلي اللحم الى الاخير فانك والله جزائري




* كي تمتلك اكتر من 100% من الاقراص المضغوطة Cd ببيتك غير اصلية "مقرصنة" فاعلم انك جزائري ومايفوتك شيئ بخصوص التكنولوجيا والاعلام الآلي



* كي يكون gراج منزلكم مليئ بأشياء غالبا لا تستعملها لكنك تحتفظ بها ما عرفت يمكن يجي شي نهار تحتاجها" فاعلم انك جزائري




*كي كنت صغيرا كانو والديك يشريولك ملابس غالبا ما تكون اكبر منك بمقاسين علئ الاقل كي تستغلها لمدة اطول فاعلم انك جزائري ابن جزائريان




*كي تبوس ايدك لما تحك بيها عينك فوالله انك جزائري




* كي تحتاج لصاحبك تبيبيلو 10 مرات حتى يكره من رناتك ويجي هو لحد عندك فاعلم انك جزائري




*كي تعيط علا أي احد تعرفو ولا ماتعرفوش خويا أو أختي حتى ولو كنت في الخارج تقول mon frére خاصة المغتربين حتى ظن الغرب ان كل الجزائريين اخوة من ام واب واحد فاعلم انك جزائري




*كي تدخل على بيت من البيوت ليلا وتلقى افراده نائمون في فناء البيت او في سطحة فاعلم انك عند عائلة جزائرية





*و في الاخير تحيا الجزائر بها باولادها وبناتها وشهدائها*
ولي عندو اضافة ديزادية فليتفضل بها
سلااااااااام

أم حمـزة شكرا على الموضوع الهادف لكن اسمحي لي أن أقارن بين الجزائري في القديم والجزائري في الوقت الراهن .
الجزائري في العهد القديم :
كريم ، متسامح ، مشارك برغبة في العمليات التطوعية ، محب لوطنه حتى النخاع ، حريص على مساعدة الآخرين ، محافظ على نظافة محيطه ، محتفل بالأيام الخالدة لتاريخه ، محتفظ بالعلم الوطني يرفعه فوق بيته المتواضع في كل مناسبة خالدة ، غيور على سمعة وطنه داخليا وخارجيا ، قنوع بما قدر الله له ، مؤدي لواجبه المهني بصدق وأمانة ، معتز دوما بتاريخه وشهدائه الأبرار ، مرتبط بأسرته ، حريص على صلة الرحم رغم انعدام وسائل الاتصالات ، محترم لجيرانه متآزر معهم في السراء والضراء ، مشجع لأبنائه على طلب العلم ، مضحي بإمكانياته المتواضعة من أجل أن يتابع أولاده الدراسة ، محافظ على تقاليد مجتمعه ، مؤدي لفرائض دينه وسننه رغم بساطة الثقافة الدينية ، متصدق بما استطاع في مواضع الخير ، مؤدي للمسؤوليات تكليفا من المجتمع لا تشريفا و...............
الجزائري في الوقت الراهن :
مادي وجشع ، محبة الوطن آخر اهتماماته ، ملوث لبيئته وغير محافظ على محيطه ، يحجم عن مساعدة الآخرين بحجج واهية ، غافل عن الاحتفاء بمحطات هامة من تاريخ أمته ، اعتبر العلم الوطني قطعة قماش عادية يستعملها بطريقة فوضوية ، معتبر الغيرة على الوطن من لغة الخشب ومن سمات المتخلفين عن الركب ، لاهث باستمرار وراء جمع المال حلاله وحرامه ، من أجل ذلك يدوس على غيره ولو كان من أقرب الناس إليه ، صلة الرحم لديه ضعيفة رغم توفر وسائل الاتصال الحديثة فيكتفي برسالة قصيرة عوض المحادثة الصوتية في الأعياد ، علاقته بالجيران تسودها الخلافات الدائمة ، المال لديه أولى من العلم والدراسة ، البحث عن المسؤولية لقضاء المآرب الشخصية شغله الشاغل ، و...........................

وللموضوع عودة أخرى بحول الله