نكت جزائرية رائعه

نكت جزائرية 2011 :
*************************
مرة واحد جاهل اتزوج بوحدة ولدت بعد 3 شهور حلف يقتلها
قالتله رواح نحسبوها أنت شحال عندك من لي تزوجت ؟
قالها 3
قالتله وانا شحال عندي من لي تزوجت؟قالها 3
قالتله واحنا شحال عندنا من لي تزوجنا؟قالها 3
قالتله 3و3و3 يساوي 9
قالها صدق اللي قال العلم نور
*************************
هدا
واحد ربح في لوطو(الرهان يعني) قال نشرجيها(يعني نفليكسيها) كاملة في
التيليفون فليكساها كي كمّل ردت عليه خدمة الزبائن قاتلوا : رصيدك الى يوم
القيامة
*************************
واحد
زاطل راح للطبيب يشكي بلي كلما يرقد ‏يحلم بقطط يلعبو في الكرة . قالو
الطبيب : مترقدش يومين .. قال المزطول: ما نجمش على خاطرغدوة La Final
*************************
واحد
مزطول رافد علبة نتاع مسامير و طاح منهم مسمار قالو يا ولدي أرجع يرحم بوك
ارجع.... المسمارمحبش يرجع.... فرّغ علبة المسامير كلها و قالهم :
جيبوووووووووووووه
*************************
واحد الحلاق شاد مغناطيس على راس زبون معمّر بالشعر تعجب الزبون و قالو: واش راك دير ؟ قالو الحلاق: راني نحوّس على المقص طاحلي!!!
*************************
واحد يتعامل بزاف مع البورصه طاح مريض
داوه للطبيب
الطبيب وهو يكشف عليه قالو يا الله ضغطك وصل 70
صاح المريض و قالو : بيع بيع بييييييييييع
*************************
سأل
ولد أبوه : بابا كيفاش نعرفوا بلي واحد راه سكران. قالوا أبوه : شوف يا
ولدي ..هذوك الزوج شجرات يشوفهم السكران أربعة شجرات. دار الولد و شاف بصح
شاف غير شجرة وحدة !!!!!
*************************
واحد راح لطبيب باش ينحيلو مسمار دخلو في رجلو كي قالو ب 2500 دينار جاوبو وقال عوجو وخليه
*************************
راجل كبير في العمر قالولو: وآش عامل فيك رمضان يا الحاج.
قاللهم كون مش من رشفة الوضوء العبد يموت مالعطش
*************************
قالك
وحد الخطرة وحد السيد اشرى كبش العيد قبل عيد الاضحى بشهرين امالا كانت
العائلة كلها تدلل فيه وتلعب معاه حتى انه ياكل معهم و ينام معاهم في
المنزل و عشية عيد الاضحى راح الكبش جبد روحو على العايلة و بدى يبكي جات
العايلة سالتو واشبيك تبكي قالهم " قعدنا بلا عيد الناس اكل شراو الكباش
غير احنا "
*************************
قالك واحد جزائري لقى وحدة مصرية قالها واش مدايرا في حياتك
قالتلوا :انا بقرا في الكلية (باللهجة المصرية)
قالها :انا ثور في السوناطراك (شركة بترول جزائرية)
*************************
قالك مرة سائق الحافلة دار اغنية التيتانيك
ايا بداو الركاب ينقزوا (يرمون انفسهم خارج الحافلة) حسبوا الbus راح يغرق
**** ********************
قالك واحد مشومر(مسابلي) قالك يمشي لقا واحد صحبوا مشومر كيفوا قالوا اعطلي الف فرنك قالو صاحبوا روح الكارتي الاول خاطي الكارتي الثاني خاطي الكارتي الثالث هوا ونبعد تلقى ثلاث باطيمات الباطيما الاول
خاطية الثانية خاطية الثالثة هيا قالوا تلقى اربع طوابق الطابق الاول خاطي الثاني خاطي الثالث خاطي الرابع هوا قالو تلقى زوج ديار الدار الاولى خاطية الثانية هيا قالوا تلقى ثلات بيوت البيت الاول خاطي البيت الثاني هوا قالوا تلقى زوج خزاين الخزانة الاولى خاطية الثانية هيا قالوا تلقى ثلاث دروج الدرج الاول خاطي الدرج الثاني خاطي الدرج الثالث هوا تلقى مصحف جيبهولي نحلفلك بلي ماعندي دورو !!!!!!!!!!!

هههههههههههه

العفوو

وشكرا ع الردوود