قصيدة الأم لحامد زيد روعة

قصيدة الأم لحامد زيد روعة

قصيدتي زاد بعيوني جمالها واخذت أنقي بالمعاني جزالها
واكتب معانيها من الشوق والغلا لأمي وأنا اصغر شاعر ٍمن عيالها
كتبتها في غربتي يوم رحلتي لما طرالي بالسفر ماطرالها
امي وانا بوصف لها زود حبها وان ماحكيت لها قصيدي حكالها
امي لها بالقلب والجوف منزله مكانة ماكل محبوب نالها
اقرب من ظلالي وانا وسط غربتي وانا تراي اقرب لها من ظلالها
ماشافت اعيوني من الناس غيرها ولا خلق رب الخلايق مثالها
اغلا بشر في جملة الناس كلهم واكرم من ايدين المزون وهمالها
اتبع رضاها ورتجي زود قربها واللي طلبته من حياتي وصالها
الصدق مرساها والاشواق بحرها والعطف واحساس الغلا راس مالها
اهيم فيها وابتسم يوم قلبها يسأل وانا قلبي يجاوب سؤالها
وان اطلبتني شي فزيت مندفع اموت أنا واحمل تعبها بدالها
واصبر على الدنيا والاحزان والتعب واحمل على متني فطاحل جبالها
واسهر اعذب راحة القلب بالشقا واعيش اعاني بس يرتاح بالها
تربية ابوي اللي على الطيب بذكرة اللي وهبني الحياه ومجالها
نور لي ادروبي وانا طفل مبتدي حتى تركني واحد من رجالها
الوالدين اولى بالاحسان لجلهم وأولى بتكريم النفوس وعدلها
اقولها وانا على الله متكل والله عليم بقدرتي واحتمالها
ياكلمة اغلى من الناس كلهم ياشمس بقلبي بعيد زوالها
يافرحة تملي لي الكون باكمله ياشجرة تكبر ويكبر ظلالها
تضحك لي الدنيا ليا شفت زولها مثل السما تزها بطلة هلالها
والبعد عنها ياهل العرف ماقدره لاشك ناري زايدة بشتعالها
ماعيش ببلاد ولاهيب بأرضاها ولابي عيوني كان ماهي قبالها
أرض ٍ تدوس امي بالاقدام رملها اموت فيها واندفن في رمالها
[ندعوك للتسجيل في المنتدى أو التعريف بنفسك لمعاينة هذا الرابط]

هدية للغوالي

الله يرحمك يا أمي

أرض ٍ تدوس امي بالاقدام رملها اموت فيها واندفن في رمالها

كلماات رائعه وهذا اقل ماتستحقه الام

بااارك الله فيك


كم أثرت فيا هذه القصيده أمي ماتت من عمين الله يرحمها ويغفر لها وللمسلمين



ماشاءالله على الكلمات
اهم شي انها نابعه من قلب طيب ومخلص
والاهم انها للام اهم انسانه واغلا انسانه بالوجود
الله يعطيك العافيه
اتمنى لك التوفيق والاستمرار بالكتابه
تقبلي مروري

[ندعوك للتسجيل في المنتدى أو التعريف بنفسك لمعاينة هذه الصورة]

من فقد أمـــة فقد الحيــاه



[ندعوك للتسجيل في المنتدى أو التعريف بنفسك لمعاينة هذه الصورة]



من فقد امه لن يشعر بالفرح الحقيقى
لان دئما هناك فى شئ مهم ناقص فى حياته
وهــــــو أمــــــــــــــــه

أم حمزة كتب:أرض ٍ تدوس امي بالاقدام رملها اموت فيها واندفن في رمالها

كلماات رائعه وهذا اقل ماتستحقه الام

بااارك الله فيك


كم أثرت فيا هذه القصيده أمي ماتت من عمين الله يرحمها ويغفر لها وللمسلمين



ماشاءالله على الكلمات
اهم شي انها نابعه من قلب طيب ومخلص
والاهم انها للام اهم انسانه واغلا انسانه بالوجود
الله يعطيك العافيه
اتمنى لك التوفيق والاستمرار بالكتابه
تقبلي مروري

أشكر لك تواجدك يالغلا بس النص مو حقي هذا حق الشاعر
أنا بس ناقلته لنه يعجبني وايد وعلى طاري وفاة امك الله يرحمها ويرحم أمي وياها
الحرقة الي في قلبي أني ما شفتها كنت بالمملكة وللحين مو قادرة أطفي النار ألي بقلبي بس شقول الله يعيني والله يرحمها ويرحم كل أمة محمد يارب
الحمد لله على نعمة الايمان.
نورتي غلاي
ودي

أم حمزة كتب:[ندعوك للتسجيل في المنتدى أو التعريف بنفسك لمعاينة هذه الصورة]

من فقد أمـــة فقد الحيــاه



[ندعوك للتسجيل في المنتدى أو التعريف بنفسك لمعاينة هذه الصورة]



من فقد امه لن يشعر بالفرح الحقيقى
لان دئما هناك فى شئ مهم ناقص فى حياته
وهــــــو أمــــــــــــــــه

اي والله صدقتي جـــــــــــات على الجرح تمام الكيبورد كله دموع .

العفو غلاي هذا من ذووق طيب قلبك
تستاهلون أحلى الكلام وعذبه
ودي